चरिकोट । भीमेश्वर नगरपालिका ६ नं. वडा चोथाङमा निर्माण भएको गुरु रेम्बोर्छे(पदमसम्भव) को मुर्तिको वैशाख ६ गते प्राणप्रतिष्ठा गर्ने भएको छ ।
वडा नं. ६ वडा कार्यालयको आयोजनमा बौद्धधर्म गुरु उर्गेन छ्योङ हेसे डोल्पो टुल्कु रिन्पोर्छेले पुजासहित पदमसम्भवको प्राणप्रतिष्ठा गरिने भएको हो ।
सो कार्यक्रममा खेन्पो सोनम छिरिङ तामाङ, खेन्पो मिग्मार लामा अन्य लामा गुरुहरुको समेत उपस्थिति रहने वडा अध्यक्ष नविन लामाले जानकारी दिए ।
सो दिन वाङ आयु अभिशेक पुजा कार्यक्रम समेत हुने बताइएको छ । सो कार्यक्रममा सहभागिताको लागि वडा अध्यक्ष लामाले आग्रह समेत गरेका छन् ।
