नेपाल रेडक्रस सोसाइटी जिल्ला शाखा दोलखाको ४२ औँ वार्षिक साधारण सभाबाट पत्रकारहरु सहित ७४ जना सम्मानित भएका छन् ।
पत्रकारहरु बाबुराम शर्मा, सिर्जन घिमिरे, सिर्जना खडका, तारादेवी बस्नेतलगायत आठ जना पत्रकारहरु तथा कार्यालय, संघसंस्थालगायत ६६ गरी कुल ७४ लाई सम्मानित गरिएको हो ।
जिल्ला शाखाका सभापति ईश्वरीप्रसाद दाहालको अध्यक्षतामा भएको कार्यक्रममा संस्थाका मन्त्री भरत नारायण प्रधानले वार्षिक प्रगति प्रतिवेदन र कोषाध्यक्ष भीमबहादुर केसीले ४३ लाख ६२ हजार ६६२ आय र ४२ लाख ५५ हजार ४०३ व्ययको आर्थिक प्रगति प्रतिवेदन प्रस्तुत गर्नुभयो ।
साधारण सभाको उद्घाटन बागमती प्रदेशसभा सदस्य भरतबहादुर केसीले गर्नुभएको थियो । साधारणसभामा विभिन्न स्थानीय तहका जनप्रतिनिधि तथा जिल्लास्थित राजनीतिक दलका प्रमुख तथा प्रतिनिधिहरुको सहभागिता रहेको थियो ।
